事實證明阿仙奴只要有法比加斯等壓陣，前線即使缺尹佩斯等主力一樣有力贏強隊，周六迎戰暫列第5位但防守有問題的阿士東維拉，可望乘勝追擊兼作出突破，於阿聯酋首贏維拉，取[-1]「主勝」。（球賽編號：星期六18；now632台今日11:00pm直播）青蛙仔
阿仙奴上場英超予人驚喜，在缺少射手艾廸巴約及尹佩斯下，仍以2:1擊退曼聯。事實上，中場線才是他們最強一環，儘管相當年輕，可是極具級數，其中法比加斯越來越有大哥風範，能串連攻守之餘亦能控制節奏，加上拿斯尼火速融入，以及今季受到重用的禾確特及丹尼遜亦踢出水準，故今迎維拉就算續缺尹佩斯，相信亦夠取3分。
維拉訪倫敦時有進賬
另外，雖說阿仙奴於周二踢完英聯盃，但該仗雲格只用小兵，眾主力都未有上陣，故可蓄銳鬥維拉。在尹佩斯續要停賽下，預計賓特拿續於前線擔綱，但小將卡路士韋拿在周中英聯盃再顯身價，或成秘密武器。
維拉自領隊奧尼爾用兩季時間大執後，開始有睇頭，前線3名球員艾邦拉荷、卡維及艾舒利楊格更相當搶鏡，但防守就不敢恭維，其中於6場客場聯賽5場有失波；可惜卡維因傷關係，今役只有5成機會披甲。另外，門將費度經驗雖好，但反應略慢；一對中堅拿臣及居廸斯戴維斯，前者碰上頂級攻擊球員往往腳軟，後者雖質高惟仍有待磨練。
值得一提的是，阿仙奴在06年夏天搬入阿聯酋球場進行主場比賽後，未曾在此球場贏維拉，對上兩季同是於落後之下追和1:1，今仗是時候「開齋」，取[-1]「主勝」。此外，考慮到維拉近一年訪倫敦球隊多數有入波，波膽取阿仙奴贏3:1或4:2。
星期六18
阿仙奴vs阿士東維拉 3：1
半全場：主/主
盤口：阿仙奴[-1]
讓球主客和：H主勝