楊恭如同補習天王男友簡俊傑（KenKan）分手兩個月，但女方不愁寂寞，早幾日至同兩名男士約會，但前晚又同兩名女性朋友結伴出擊，去銅鑼灣印尼餐廳開餐，現場消息指稱與恭如同枱嘅仲有男伴㖭，難怪恭如戴住閃爆鑽錶同卡地亞手鈪到場，一身打扮珠光寶氣。飯後恭如由女伴護航離開，有男伴陪食飯嘅佢表現零舍風騷，全程笑容甜到漏。