死忠一牌　Juno衫寧真空

喺本地潮誌上出現得最多嘅就係佢，佢亦給人一個潮友Label，總之係潮牌，都差唔多會喺佢身上出現過。唔使我多講，大家都知佢係Juno（麥浚龍）。今次係第三次同Juno傾偈，越傾得多，就越發覺呢個人同娛樂版上出現嘅佢大有出入，外邊的聲音有明踩、有暗嘲，起初佢唔出聲你以為佢真係Cool爆嗰隻，但原來佢係一個SuperNice、健談、顧家、有教養、無架子、有自己一套嘅人，亦可以說是一個令全港電車男都妒忌嘅超級有錢仔！想知佢有咩怪癖？就要繼續睇落去。

記者：陳諾堯
攝影：林栢鈞
Makeup：Khaki@MaeVonMakeup
場地鳴謝：祥興咖啡室（25725097）

尊重品牌哲學

Juno認為着衫最緊要着得舒服，就好似第二層皮膚咁，牌子係其次，料靚先至重要。「我鍾意嘅嘢可以好簡單好Casual，搵條靚牛仔褲加件白恤衫已經可以好好睇。冬天我就好鍾意着靚嘅CashmereKnittedWear，有效果嘅洗水牛，但係就一向都唔係好IntoNeighborhood牛，因為個Cutting唔啱我。」
問佢衣櫃最多係咩Item，原來係Boxers！背後仲有一個好得意嘅Philosophy，「可能妳都有聽過，我有個怪癖，就係全身FullGear只着同一個Brand，對我嚟講係Respectofthebrand！如果一個牌子係無出Underwear的話，我係唔會去開發佢。之但係好似Mihara咁，我好鍾意呢個Brand，我就寧願唔着底褲都要着佢啲嘢！（唔着底褲!?）又好似mastermind同N.Hoolywood咁，佢哋有出Underwear系列，我就一定會FullGear。我唔太鍾意Mix&Match，因為有時啲DesignerCollection係一個個Series咁出，好畀心機咁做，如果Mix&Match會唔太舒服，同埋好唔夠Respect咁！我好Open-minded，覺得有時唔着底褲係可以接受，我有自己嘅Reason去咁做。同埋如果我好Crazyabout一個品牌，好似DressCamp咁，啲嘢好靚，我第一樣會買嘅就係佢嘅Boxers！」最多Boxers，最少係帽，但多冷帽，「就算戴冷帽都淨係戴喺後面Cover個後腦！」果然有自己一套。

■TomFord太陽眼鏡

■剛出道嘅Juno衣着明顯比較Casual，Size亦較闊身。

■雖是Casual，但Juno身上仍不乏潮流元素，戴住一副好潮嘅鹹蛋超人眼鏡。

超潔癖住家男

唔認識Juno嘅人會覺得佢係成日去蒲嗰隻，但原來佢超愛回家。「我好鍾意同Enjoy喺屋企，可能因為我係一個鍾意畀嘢圍住嘅人，我個廳一邊牆佈滿DVD，另一邊牆佈滿漫畫，所以喺屋企都會好忙，有自己空間之餘一啲都唔悶。」家陣要搵個24歲嘅男仔鍾意留喺屋企真係唔易，Juno算係一個超獨立而又識嘆嘅人。「我以前喺加拿大同阿哥一齊住，唔好睇小我，洗衫熨衫乜都識，好鍾意清潔，就算𠵱家一個人住，我都係自己做晒所有嘢，但工作比較忙嗰時，都會有個鐘點一星期嚟兩次幫我執屋。」最近娛樂雜誌話阿Jan林海峰有潔癖，Juno都唔例外，「我咩都要抹，買咩返嚟都要抹過先得。返到屋企第一件事就係冲凉，食完飯就算喺屋企都係要冲多次！」嘩！因住冲到甩皮喎！

■新大碟《WHY》，封面及內頁相片由WingShya操刀。

最愛的Replay再Replay

除咗愛Fashion，其實Juno嘅最愛係DVD！係佢嘅朋友粉絲必定知，要搵佢撞佢要去HMV！因為佢去親Shopping基本上都係去睇DVD，仲有網上嘅amazon.com。由細到大都想成為導演嘅Juno，對電影FullofPassion，每套戲都睇得好細緻，「我係會Pause咗之後回鏡睇多次個Shot嗰啲人！無論收工收幾點，返到屋企就算係凌晨都好，都一定要揀隻DVD開嚟睇，但又未必睇晒全套，只需要按個『Play』動作，呢個係我嘅習慣，每日都會做。」聽落奇怪嗎？原來愛一樣嘢可以愛到令人難以理解！「仲有就係我每買隻新嘅DVD返嚟，都一定要親手小心摺封套，然後用亁濕毛巾抹一次，再擺佢上櫃。」愛DVD可以如此瘋狂，唔知佢愛一個女人係咪一樣呢？