劉鑾雄指呂麗君「有錢身痕」言論，熱爆全港。已為人妻的陳慧琳（Kelly），前晚出席名牌店開幕時，笑言身家豐厚，不需老公畀家用或零用，更直認是有錢身痕一族，有錢便買禮物送給朋友。
陳慧琳、溫碧霞、周汶錡、李彩華、混血名模AnaR及LisaS.等，前晚到圓方出席JimmyChoo新店開幕。陳慧琳穿上Blumarine亁濕褸現身，對於近日市況不景，她說：「都有少少影響，sofar都OK，booking排到下個月平安夜，應該未影響到今年。」她表示不會減價招徠，但結婚後很想拍家電或七人家庭車等廣告。
無膽趁低入巿
雖然已婚，但Kelly與丈夫劉建浩（Alex）財政仍然獨立，她說：「冇講畀佢聽搵幾多，不嬲都冇，我自己都唔太清楚，佢都冇畀pocketmoney我用。唔使啦，我都有好多。」
Kelly指老公生意沒有受金融海嘯影響，但他買的藍籌股就貶值，故他倆都不敢趁低入市，Kelly說：「唔敢喇，留番啲買靚衫好過，或者會儲起佢，睇吓先再投資。」
身家多到嚇親
Kelly謂不想知自己有多少錢身家，莫非怕多到嚇親？她笑笑口說：「係呀。」劉鑾雄日前指女友呂麗君有錢便身痕，問Kelly有錢會否身痕？她說：「嘩，好難答。」她想一想後說：「都會，我都會使錢買嘢，會買多啲禮物送畀人。」記者笑她身痕反而其他人受惠，她說：「係呀，不過我都多贊助，有時益吓朋友。」
同場，溫碧霞低胸搶鏡，她謂收藏過百對高跟鞋，逆市忙於拍廣告。李彩華是唯一沒有贊助，自備鞋袋出席的嘉賓，她主動談及其緋聞男友、友邦保險高層王傲山，堅稱是朋友關係，但讚不絕口說：「佢係好人，好男仔。」
採訪：羅慧敏
攝影：陳俊強
