韓國男星宋康昊同女星鄭麗源噚日分別以上屆青龍電影獎影帝同女新人獎得主嘅身份出席打手印儀式，為下周四舉行嘅頒獎禮造勢。今屆再有機會攞影帝嘅宋康昊因為大傷風，打手印時要用紙巾抹鼻涕，個手印仲好核突，五隻手指未能全部印好，非常搞笑。鄭麗源就好興奮，打手印時高舉勝利手勢。