得閒玩吓Game，逆市唔使驚！邊個講？我話嘅！咪拉到個人繃緊晒，好易斷㗎。幫襯得呢份報紙，玩個遊戲鬆一鬆，呢六蚊一定唔使你蝕。今日玩「影后」，影住後面個「後」呀，你認得幾多個女星背脊？仲要估埋喺邊套戲入面做邊個女主角喎！
記者：周靜雯
協力：許維雅
答案：
1. 周迅《如果‧愛》，飾演孫納。
2. 鍾欣桐《黑白森林》，飾演Katie。
3. 徐子珊《跟蹤》，飾演豬女。
4. 林熙蕾《文雀》，飾演珍妮。
5. 楊釆妮《新警察故事》，飾演可頤。
6. 章子怡《臥虎藏龍》，飾演玉嬌龍。
7. 湯唯《色戒》，飾演王佳芝。
8. 劉嘉玲《阿飛正傳》，飾演咪咪。
9. 張敏《賭俠》，飾演夢蘿。
10. 鄭秀文《龍鳳鬥》，飾演盜太孫惠琪。
11. 陳慧琳《東京攻略》，飾演Macy。
12. 林青霞《射雕英雄傳之東成西就》，
飾演金輪國公主。
13. 盧巧音《六樓后座》，飾演Candy。
14. 楊千嬅《新紮師妹2之美麗任務》，
飾演方麗娟。
15. 莫文蔚《大佬愛美麗》，飾演Julie。
16. 藤原紀香《雷霆戰警》，飾演Norika。
17. 張曼玉《旺角卡門》，飾演阿娥。
18. 梁詠琪《烈火戰車》，飾演阿儀。
19. 李心潔《三岔口》，飾演Amy。
20. 林志玲《赤壁》，飾演小喬。
21. 吳君如《金雞》，飾演阿金。
22. 容祖兒《神經俠侶》，飾演廖得男。
23. 鄧麗欣《我的最愛》，飾演鄺美寶。
24. 李嘉欣《Miss杜十娘》，飾演杜十娘。
分析
A.繃緊型（估中0至8題）
唔知你係唔鍾意睇戲，定係真係忙到連返屋企煲碟嘅時間都無。不過正所謂吊頸都要唞吓氣，做乜都好，唔使下下扯到自己咁盡嘅，放鬆啲啦，香港人！扯到咁行，條橡筋好快斷㗎咋，有時間咪睇套戲放鬆吓囉。推介你睇《金雞》，笑中有淚，𠵱家咁嘅時世翻睇，仲有Feel。
B.正常型（估中9至16題）
工作時工作，遊戲時遊戲，呢個做人態度你拿揑得幾好。𠵱家經濟唔好，荷包少銀両，無事在家就少破財，少啲出街蒲，得閒咪拎啲舊影碟出嚟翻煲囉，千祈唔好放棄你呢個咁好嘅習慣呀！推介你睇《笑傲江潮》，笑笑面對世界，學令狐冲咁咪幾好。
C.專業型（估中17題或以上）
厲害厲害！佩服佩服！睇電影睇到連人哋背脊都留意埋，你稱得上專業睇戲人，學吓寫影評都仲得喎。不過睇還睇，記得要專心工作，可以喺工作、休息同睇碟時間都取到平衡就為之VeryGood喇。推介你睇……你仲熟過我，使乜我推介？自己鍾意睇乜就睇乜啦。