十幾年前睇《同一屋簷下》，覺得二佬福山雅治得個靚樣，冇乜賣點，但之後佢喺《美女與野獸》做個鹹濕節目導演，繼而再喺《神探伽利略》做個怪雞物理學家，都演得相當之維肖維妙，發現佢嘅可塑性原來咁高，唔怪得佢成39歲人仲可以喺電視台長做長有啦。
費托啱啱出道，都係覺得佢得個樣，但自從佢由馬體會轉投利物浦之後，對佢完全改觀。事關佢唔淨止射術好，仲可以製造機會畀隊友入波，利記用咗2,650萬鎊再加路爾斯加西亞就買到佢，抵！利記今季擺明爭英超，領隊賓尼廸斯唔敢玩嘢用輪換制，禮拜六作客保頓，Win硬！
主客和：利物浦勝
心得：利記今時唔同往日
近5場往績：WLLWW
青蛙仔
睇德國波同埋英國波大，大個之後攻埋日本波，兼且對日本藝能界幾有研究。