喺漫畫真人片《20世紀少年》入面扮演落仔嘅日本男星豐川悅司，今個星期二凌晨時分，因為食咗蠔出現食物過敏症，搞到身體又腫又痕癢，即時要去到東京一間醫院睇急症。好彩佢留咗一晚醫院之後，身體並冇大礙，第二日已經可以出院，仲照常開工。睇嚟豐川真係要小心飲食，唔係嘅話拍拍吓戲出現食物過敏，搞到又痕又腫都幾煩。