日本天皇盃不嬲都唔係強隊甜心，周六波友要留意要爭聯賽錦標嘅隊伍之外，呢周又係國家隊要出戰「十強賽」之時，小心捧強隊又要領嘢。周六重點推介，浦和紅鑽喺日皇盃16強迎橫濱水手開「細」。
紅鑽喺聯賽排第2，同鹿島鹿角、名古屋鯨魚等爭日聯冠軍，費事球員受傷影響戰力，相信日皇盃唔會強陣。睇番近期球隊攻力轉弱，入波似有難度。好似上圈日皇盃主場對乙組仔FC愛媛，90分鐘都係和0:0，要加時先贏波晉級。
迎水手缺多員國腳
紅鑽除咗三都主呢位長期傷兵外，門將都築龍太、守將田中鬪莉王、中場阿部勇樹同前鋒田中達也都有入選國家隊，成隊波攻力再減。客軍橫濱水手又係守強攻弱球隊，山瀨功治、山本郁彌同中澤佑二都因傷避戰，吼1.65倍「細」穩陣。文：畢傑