出走丹麥　阿Sa要Hygge

生活喺繁忙緊張嘅香港，你快樂嗎？本地品牌Bossini認為香港人應該多感受快樂，邀請阿Sa（蔡卓妍）參與咗「快樂原是這樣簡單」（HyggeTogether）丹麥之旅。「Hygge」呢個字喺丹麥好流行，佢嘅意思只可感受、不可言傳，就好似阿Sa咁講，真正嘅快樂係可以Feel到嘅，可以感染身邊嘅人，咪就係咁簡單囉！

記者：陳諾堯
攝影：林栢鈞
Models：Pako&Brie
Makeup：AndyLeung
Hair：[email protected]
場地鳴謝：LansonPlaceHotel（34776888）

丹麥之Hygge相簿

早前阿Sa參與咗Bossini「快樂原是這樣簡單」之旅，去了全球最快樂國家丹麥一趟，與當地家庭進行交流，親身體驗他們的簡單快樂生活文化，更拍下一整輯Hygge相簿。

■阿Sa仲同當地嘅小朋友一齊整Cookies，自己都落力搓埋一份。

■丹麥第一日，阿Sa去到新港區拍攝，滿牆長滿彩色楓葉。

■阿Sa提議同丹麥家庭瞓喺草地上影相，仲砌成一個太陽圖案。

■阿Sa去到邊都會影低SnapShots，感受當地嘅生活文化。

快樂就係咁簡單！

出道至今，阿Sa總係給人好開心嘅感覺。講到近期嘅丹麥之旅，佢話有好多體驗同大家分享，「我覺得丹麥同香港真係好唔同，嗰度畀我嘅感覺好Warm，節奏好慢，所有細路仔都好自由，可以通山跑、踩單車，生活簡單而開心。相反，香港乜都快，好似無咗生活咁！我覺得丹麥嘅Families好融洽，佢哋嘅快樂可以感染到周圍嘅人。」阿Sa也覺得自己算係快樂嘅人，「我好容易得到快樂，好似我最鍾意就係食，一有得食我就開心，又有自己鍾意做嘅工作。人最緊要知足，快樂就係咁簡單！」講到着衫，「正所謂一切從簡單開始，就好似着衫咁點都要Mix&Match，無可能將所有複雜嘢放上身。我鍾意着Bossini嘅樽領Tee，多色易襯，作為本地品牌我成家都撐！」

■自言係一個快樂人嘅阿Sa，給人感覺活潑好動，但原來可以好靜。

■拍攝途中阿Sa同小ModelBrie經常玩得好開心，可見阿Sa真係好鍾意細路仔。

經濟價位入冬褸

呢排凉到得十幾度，希望嚟緊呢個冬天更加凍，咁我啲冬天衫就可以出場喇！唔知大家有無留意，冬天衫一定比夏天衫靚，因為可以有好多選擇做Layering。Bossini嘅褸款算多，最貴都係$700左右，喺市場上屬經濟之選；如果怕撞款就要靠Mix&Match，下身配唔同單品，撞衫都唔會撞咁應。比較鍾情冷褸嘅我，當然睇中SkullPrint嘅毛毛褸啦！