出爐金鐘獎視后林依晨（左）前日喺台灣宣傳新劇《我的億萬麵包》，佢話入行以嚟冇買過名牌手袋，最貴嘅只係一條約1,200港紙嘅金頸鏈。呢條鏈原來有段古，就係8年前林依晨嘅外公過身，留低條金鏈畀林媽媽，因為生活逼人，林媽媽惟有賣咗佢，直到林依晨開始賺錢，於是訂做咗一模一樣嘅鏈送畀媽咪，佢話：「現在應該增值兩倍了吧！」小瑪歌好欣賞佢咁孝順。