執導《男人之苦》系列電影嘅日本名導演山田洋次，其妻子良惠上周六因癌病離世，享年76歲。山田導演前日為妻子喺東京青山葬儀所設靈，曾經同山田導演合作電影《武士的一分》嘅木村拓哉現身靈堂致哀。山田導演同太太良惠結婚54年以嚟都好恩愛，兩人育有兩個女兒，山田導演喺靈堂致辭時感激太太一直以嚟嘅照顧。