48歲著名玄學家蘇民峰近來頭頭碰着黑，其位於荃灣汀九的風水豪宅，日前被三名非法入境者潛入爆竊，失錢又失菜刀；而投資的股票因金融海嘯至連番失利，看來身為一級玄學家也未能預測自己運程吉凶。
電影《奪標》前晚在圓方舉行首映禮，玄學家蘇民峰也特地來捧場，日前蘇師傅位於荃灣青山公路汀九的豪宅，遭到三名非法入境者潛入爆竊，幸而當時屋內冇人，只被偷取300元、3把菜刀及飲品。
記者笑問蘇師傅為何未能預測自己的運程？他說：「嗰間係別墅嚟，今年鼠年我犯太歲，不過好快就過去，都近年尾啦！我遲啲要去啲熱帶地方旅行，咁會好啲，去轉下運，下年我會好運啲。」蘇民峰這間豪宅只作度假之用，他在7年前以約500萬購入，這幢四層別墅面積約4000呎，面向青馬大橋，為配合物業的格局，蘇民峰曾重建兼改動間隔，堪稱風水屋。
預測樓市有排跌
近期金融海嘯的衝擊下，不少投資者身家大縮水，蘇民峰也難倖免，他說：「投資嘅股票跌咗一半咁多。」對於再被記者取笑未能及時預測，他即說：「跌到咁低，估都估唔到，不過我只係用身家5%玩吓啫，我會趁低吸納，但係樓市就唔好住，因為有排跌，其實我幾年前預測過娛樂圈有人去世，就成日有人問我仲有邊個去世，點有咁多死人冧樓呀，我預測來年娛樂圈嘅電影市道會好番，啲人冇錢去娛樂咪去睇戲囉。」蘇民峰又自言雖然犯太歲，但風水睇相生意依然旺市。
採訪：魯萍 攝影：仇志德
