中國4萬億元人民幣嘅救市方案得到各國好正面嘅評價，歐美股市前晚初段都有好表現，不過花旗股市喺高位就企唔穩，最後要倒跌收場，AIG業績比市場預期差好多，花旗政府要加大注資金額，睇落都好牙煙，難怪啲股民咁擔心。
花旗股市倒跌，A股又係先升後跌，港股噚日難免要下試支持位，叫做守住14000關收市，但係跌幅有成703點，好彩成交收縮，呢兩日要睇實滙控（005）同地產股，如果能夠企番穩，恒指可以再組織攻勢，挑戰15000關。
中煤C輪15234：中煤（1898）昨收4.95元，跌1巴仙，技術走勢偏穩，有機會炒上5.75元，可以諗吓隻C輪15234，昨收8.1仙，有效槓桿2.4倍，正股升上5.75元，15234可見11.5仙，正股跌穿4.55元，就沽咗隻輪止蝕。
俊樺