全球金融海嘯影響下，無綫為保廣告客戶，在昨晚的《2009無綫節目巡禮》，出動逾百藝員冧廣告商，眾女藝員性感出擊，蔡少芬（Ada）、楊怡及徐子珊等齊以豐胸迎賓，在節目中緋聞情人佘詩曼與鄭嘉穎及胡杏兒和黃宗澤更奉旨手拖手出場。
昨日是無綫行政主席邵逸夫的農曆101歲壽辰之喜，無綫昨晚在將軍澳電視廣播城舉行《2009無綫節目巡禮》酒會及錄影節目招待廣告商，旗下逾百藝員及行政人員總動員出動，總經理陳志雲更夥拍愛將崔建邦擔任司儀。
「女人最緊要靚」
在酒會上以陳豪、林峯及鄭嘉穎最具吸引力，成不少女廣告客戶的獵物，爭相影相留念，有些熱情女士攬腰兼蹺手，又大讚三人靚仔，認真艷褔無邊。
近日天氣轉冷，一班爭艷鬥麗的女藝員仍各自出招，其中蔡少芬及楊怡以DonnaKaran低胸晚裝最有睇頭，艷壓全場，蔡少芬更在大晒冷環節佔中間位置。她戴上一套400萬鑽飾，行頭最勁，Ada打趣說：「我個心口唔凍，個背脊就凍啲，不過女人最緊要靚，又咁多客戶喺度，要畀最靚人哋睇。」
胡杏兒今次收起性感，以密實裝示人，當她和楊怡同場出現時，即時被比了下去，她抵死的說：「佢（指楊怡）心口咁大。」楊怡則笑說：「咁多廣告商喺度梗係要騷吓身材。」對於有傳緋聞男友藍偉傑力追葉世榮前女友阿Faye，楊怡稱與藍偉傑只是朋友，對方有向她提過想拍拖，若他有女友也戥他開心。
樂做人肉佈景板
在節目中安排緋聞情人佘詩曼與鄭嘉穎及胡杏兒和黃宗澤奉旨手拖手出場，佘詩曼與鄭嘉穎異口同聲說：「呢啲係公司安排，唔尷尬呀，做嘢啫！」對於早前有雜誌指阿佘打羊胎素，她表示不會回應因為太離譜。
李司棋及關菊英手拖手到場，司棋姐也甚受歡迎，客戶拉着影相，有記者笑指她們做了佈景板，司棋姐笑說：「係呀，不過一年一次唔介意，大家開心就得，我哋嘅合約包埋做呢啲嘢，係我哋嘅責任幫手宣傳。」
司儀陳志雲及崔建邦在台上互相取笑一番，崔建邦稱呼陳志雲做老細，但被他阻止，他說：「你叫我乜都得，唔好叫我honey就得。」節目打頭陣出場的有陳豪、林保怡及黃德斌大跳士的舞，而眾小生吳卓羲、鄭嘉穎、馬國明、陳鍵鋒等則一身禮服載歌載舞，最後除剩背心騷肌肉。
採訪：王崇穎、卓寶花
攝影：黃偉雄、葉君海
