傅天穎（奀妹）已經同台灣藝人陳子強生咗囝囝，但佢哋一直未擺酒，本來擇好下個月6日喺台灣搞婚宴，日前又傳出佢懷咗第二胎，但短短一個星期內，奀妹被發現出現中山醫院兩次，面色仲好差。上周六佢出席宣傳活動後，仲入住婦產科病房，有傳佢小產。奀妹經理人林金俐唔肯正面回應，只係話：「她是去休養啦。」小瑪歌希望奀妹快啲調理好身體，以最佳狀態出席婚宴。