組合2R、吳日言、鍾麗淇與傅穎等昨日出席在薄扶林舉行的港台節目《食都要高清》啓動儀式，近日天氣轉凉，不過2R無懼寒風，依然以背心短裙示人搶盡鏡頭，兩姊妹笑言今次是最後一擊，妹妹Race說：「一早預咗着呢套衫，所以點都要着，我之前着樽領衫，又俾人話太誇張。」
Race率先獨立發展
Race表示最近忙於練歌、彈琴和作歌，因為下月將會首次作個人表演，心情大為緊張，Rosanne說：「佢日日喺屋企練歌，嘈到死，不過身為家姐都要支持佢，到時我都會喺台下撐佢。」雖然被妹妹搶閘作個人發展，不過她毫不介意並說：「我唔急，我有其他嘢搞緊，不過未可以公佈住。」
此外，Theresa昨日介紹健康飲食，不過她卻發福不少，問她廚藝如何？Theresa說：「我最叻煮中菜。」還透露每個男友都試過她的手勢，問她可有為緋聞男友林孝賢下廚？她即說：「冇喎，佢都唔係我男朋友。」
採訪、攝影：胡比