上周五花旗股市造好，加埋中央突然發功救市，豪擲4萬億人民幣挽救經濟，帶挈港股噚日大升501點，雖然收市嘅升幅縮細咗，但係成交大，氣氛好，港股應有力再上試高位。
噚日所見，受惠救市方案嘅股份全面急升，而且隻隻成交都有番咁上下，短線呢類股份應該仲有追捧，而一啲升幅較細嘅股份，亦都會輪流炒落後，大家不妨尋吓寶，已出現技術破位嘅股份可以優先留考慮。
紫金C輪14678：紫金（2899）昨收2.65元，上周五力守條10日線，噚日升破條20日線，睇個勢會上試位處3.33元的50日線阻力，可以諗吓隻C輪14678，昨收7.8仙，槓桿率3.4倍（有效1.8倍），正股升上3.33元，14678可見11.8仙，正股跌穿2.38元，就沽咗隻輪止蝕。
俊樺