歷任香港小姐最上鏡小姐得主陳道然（蘭子）、李珊珊、鄧上文和王君馨，成為化妝品牌Covermark的代言人，昨日齊齊現身品牌的朗豪坊店主持開幕活動。
「不嬲關係好好」
早前有報道指蘭子與男友在壽山村道住所爭執，驚動外籍鄰居，混亂中該名外籍男子受傷，結果警方到場把蘭子男友帶署調查，對此蘭子昨日有備而來，她說：「我都唔知點解傳係我，我嚴正聲明，自己係絕對冇俾人打、襲擊，第二日我都有出街，係佢方面嘅事，唔係我方面嘅事，我唔方便回答。當日我唔喺佢屋企，喺中環同朋友過生日，祈文傑都可以做證。」
問蘭子與男友之間有否問題，她則以朋友稱呼：「不嬲同朋友關係好好，我朋友係謙謙君子，好斯文、好有教養。」
此外，性感的李珊珊昨日頻頻以頭髮遮蔽胸部，問她近日有否追求者，她說：「冇追求者，感情嘅事我唔想好似以前咁公開，有同冇我都唔會公開。」
採訪、攝影：JessicaNgan