楊思琦和李司棋昨日分別到銅鑼灣為無綫台慶夜和頒獎禮試晚裝，在今晚的節目巡禮上，無綫出動150名藝員幫手拉廣告客，楊思琦笑說：「我諗到時一定會熱鬧，今年我主力做綜藝節目嘅主持，應該明年先會拍劇，我都希望明年會有一個好劇本。」
李司棋對於周六舉行的台慶頒獎禮爭視后，坦言信心一定有，而且看好自己，她笑說：「雖然𠵱家好多賽前揣測，但係今年嘅賽果都好難貼中。我𠵱家對攞獎嘅心情平常過平常，反而擔心聽晚（即今晚）個節目巡禮嘅跳舞表演，事關跳舞呢方面我不嬲都唔係好識。」
關菊英遮贅肉
關菊英昨日則到中環試晚裝及試戴贊助鑽飾，她揀晚裝時笑說：「領獎都可以當結婚，係人生大事。」至於米雪被拍得試穿大露背戰衣，且勝券在握，菊姐說：「唔會刻意性感，佢瘦嘛，我要遮肥位置。米雪都係大熱門，好似夏雨話，信心係有，但把握要睇觀眾投票。」菊姐獲贊助八位數字鑽飾，其中一套黃鑽總值接近2,000萬元。
採訪、攝影：何慧斯、卓寶花