花旗股市上周五顯著反彈，港股今朝應該可以食住個勢炒上，如果成交夠大，呢次升上去可以試番早前嘅高位15317。
技術上，恒指下試完10日線炒返轉頭，走勢幾好，可唔可以更上一層樓就要睇花旗股市，仲有就係呢個星期G20開會講救市，氣氛應該偏好，不過，股市仲係好波動，入市策略要審慎。另外，MSCI指數同恒指分別喺明日同周五會調整成份股，留意啲U盤可能好玩嘢。
工行C輪15349：工行（1398）上周五收3.72元，重新升穿10日及20日線，成交增加，有機炒上4.30元，破位睇4.80元，短炒可以諗吓隻C輪15349，現價91仙，槓桿率4倍（有效2.4倍），正股升上4.30元同4.80元，15349分別可見1.28同1.63元，正股跌穿3.40元，就沽咗隻輪止蝕。
俊樺