上周英倫銀行及歐洲央行議息，市場預期前者將減息半厘，但最後英倫銀行卻決定勁減一厘半，為歷來最大減幅。筆者屈指一算，原來士佳入行20年都未曾見過，仲以為自己眼花，反映環球危機的嚴重性。中國早前亦減息減準備金救市，更放寬貸款規限，變相容許銀行增加貸款額度「放水」救經濟。
筆者相信「放水」行動之下，首先受惠的應是資金嚴重短絀的中小企業，在外圍經濟放緩及緊縮貨幣政策左右夾擊下，中小企製造業由年初至今已大量倒閉，早已經對中國的中小企響起了警號，是次「放水」，遠水未必能救近火，但至少應可解決燃眉之急。
內銀股估值回歸現實
不過，除了中小企之外，國內中資銀行亦應從中受惠，尤其記早前建設銀行（939）公佈季度業績，盈利再次大幅增長，連主席亦說表現好到不得了，但在緊縮政策底下，預期盈利增長幅度已經見頂。如今中央放寬貸款管制，更逐步放鬆貨幣供應，應可為銀行盈利增長提供一定動力。當然，面對經濟放緩，貸款需求有所減少，此消彼長，措施難收立竿見影之效，但長遠必對眾中資銀行有利。
雖然措施利好中資銀行股，但購買任何資產，最重要係睇個價，若優質資產賤賣，當然予以吸納，但若然係天價，幾優質亦只屬枉然。年初中資銀行全都交出亮麗成績表，股價一直相對強勢，其後因市場憂慮其盈利增長放緩，股價拾級而下，已漸跌入安全區。銀行股一般以市賬率（P/BRatio）作估值之法，但去年大牛市，股價屢創新高，市場難以解釋當時的超高估值，漸漸改用市盈率（P/ERatio）計算，將不合理解成合理，如今卻開始回歸現實，股價陸續跌至成熟市場銀行股的估值水平，以中信銀行（998）為例，上周五收市價約等於2008年預期市賬率一倍左右，以銀行股來說，估值已甚便宜，亦為眾多中資銀行中最低，具有長線吸納價值。
信行吼低收集持長線
中型銀行勝在增長迅速，中信銀行雖然在存貸比例上較為進取，但估值優勢彌補了這方面的不足，不過，此股在先前反彈時表現出眾，所以上周五大市由低位反彈，資金炒落後，股價反而處於弱勢，短期內應以弱勢居多，但投資者反而可以趁此機會，吼低買以作長線儲貨。
張士佳