減薪裁員新聞不斷，八方身為打工仔，聽到心寒，見到心傷。百業蕭條，傳媒都不能獨善其身，江湖傳聞TVB都可能有動作，稍後或者要求各部門交人。新聞部一名高層日前突然起身，𠵱家電視台好似被一股低氣壓籠罩，山雨欲來咁款。
六叔賣盤不成，TVB股價驟跌，雖然上半年有錢賺，但由於今年轉播京奧都使咗唔少錢，TVB中人話高層藉機數人頭都唔奇。傳媒生意唔易做，但總有人趨之若鶩，小小超旗下now月內有新搞作，聽講大班鄭經翰會主持新talkshow，逢星期日晚出街，想成為港版DavidLetterman。大班之前主持亞視《也文也武一大班》，平均收視有4點。