呢期金融海嘯浸死好多人，各行各業都受影響。之前傳過咗二奶台嘅「新官」因為只識倒錢落海，又唔識搵錢，後來仲發覺新官係混飯食，有前二奶台嘅人八畀關仁知，新官成日只係識得攻打四方城，好少理公司嘅事，事關佢以前喺大婆台都係大佬之一，有好多嘢都係叫啲卒仔去做，佢嘅作風嚟到二奶台都冇變過。其實二奶台一直係處於捱打狀態，喺溫室長大嘅新官梗係有啲唔慣，有啲大內密探向最高層報料，令老闆對新官好不滿，不過礙於佢同二奶台有合約所限，唔能夠話炒就炒，所以拖住先。另外，又講番幾朝元老都唔死得嘅「凱旋將軍」，佢係最好嘢嘅一個，二奶台老闆氹氹轉，但係佢一啲事都冇，皆因佢一向係獨家村，自成一國，所以先可以生存至今。
Textby關仁