當年小弟極為欣賞舒夫真高，差點購入一件炒至過千元的基輔戴拿模7號球衣；但人衰行路打倒褪，「軍刀」係車仔坐咗兩年冷板凳，今季返AC都冇甚佳作；𠵱家連意大利傳媒都踩多佢兩腳，話佢名模名婆唔想囝囝又要轉學，要留喺倫敦生活，「軍刀」做咗獨居老人兩個月。「軍刀」有錢有地位，但御妻術真係麻麻，如果好似香港富豪L君咁，cut晒佢老婆啲信用卡，賣埋倫敦層樓，點到佢唔返去米蘭生活。
呢排貼大細幾順，上周貼熱刺大，補時入波幫我締造3連勝；周日曼城對熱刺，曼城又有李察鄧尼「幫手」，再追大啦。
大細：曼城大
心得：兩隊都唔識守
近5場往績：WWWLL
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！