關仁隱事:「好靚聲」遭老友呃歌酬 - 關仁

關仁隱事:「好靚聲」遭老友呃歌酬 - 關仁

娛樂圈一向現實,為咗錢,就算係認識咗好多年嘅老朋友,都一樣可以出賣。關仁老友近日為歌手「好靚聲」大抱不平,話早排歌手「曹曹」開騷,搵咗相識多年嘅好朋友好靚聲做嘉賓,原本曹曹答應畀番20幾萬好靚聲做酬勞,點知好靚聲收支票嗰陣,酬勞竟然得番一半,好靚聲初初以為曹曹搞錯銀碼,點知向曹曹問個明白嗰陣,曹曹竟然話嗰筆錢係好靚聲同另一位嘉賓夾埋嘅酬勞,好靚聲諗住識咗咁多年嘅好朋友唔會呃佢,結果上晒大當。關仁聽到之後都戥好靚聲唔抵。
Textby關仁