藍鑽石行年三十有二，假如細個畀心機學踢波，𠵱家都應該踏入收山之齡，正因為咁從來唔忽視老將嘅價值。聽聞牽牛兄講舒夫真高，小弟在此講恩沙基。35歲，基仔早變為基佬，但仍獲AC續約至2010年，當真寶刀未老。
講到周中歐洲賽，更係老兵天下，達里、告魯斯、廸比亞路等人都有波入，驟眼睇好似時光倒流，返番去十年八年前嘅睇波年代。
意甲老兵之中，其實仲有個阿特蘭大嘅當尼好猛料，佢今季入波減產但影響力大到無倫，周日隊波作客費倫天拿，就有呢匹沙場老馬停賽，紫百合唔贏有鬼。
讓球主客和：費倫天拿勝[-1]
心得：仲使諗？咪同荷包作對
近5場往績：LLWWW
藍鑽石
與簡拿華路同日出生嘅囡囡入學，今季大把時間睇波，尤其係意甲。