奧巴馬當選總統，花旗股市唔係贈興而係攞景，前晚道指跌近500點收市，搞到噚日亞洲股市都冇運行，全面下挫，港股勁跌1050點收市，20日線得而復失，連14000關都穿埋，好彩成交勁縮，希望條10日線守得住，咁下個禮拜仲有機會炒番上去。
呢排有樣嘢要留意，就係奧巴馬嘅內閣名單，噚日有消息話佢要加幾個聯儲局成員，新官上場梗有嘢變，但係𠵱家金融市場立立亂，變唔係一定好。
神華P輪14658：神華（1088）噚日報收13.40元，跌咗一成有多，20日線失守，如果條10日線（12.60元）都穿埋，咁就好有可能要試9元，可以諗吓隻P輪14658，昨收1.19元，有效槓桿0.7倍，正股下試9元，14658有機見1.51元，正股升破15.26元，就沽咗隻輪止蝕。
俊樺