上期青蛙仔話我鍾意睇《我Miss係大佬3》，但我睇呢套日劇嘅焦點同佢唔同，佢鍾意睇「幼齒」（班Johnny仔），我就留意飾演老師嘅東幹久。記得第一次睇東幹久嘅演出，係《東京電梯女郎》，當時點睇都覺得扮型男嘅東幹久襯唔起靚女宮澤理惠。事隔多年，睇到佢喺《大和撫子》扮懵丙有錢仔，最後仲成全埋男女主角，即刻討好晒。到咗《我Miss係大佬》，佢扮戇直老師，掂呀！所以有時放低身段，結果或仲好。
伯明翰降班英冠後就係肯放低身段，知要全力打拼先能重返英超，佢哋已連輸兩場，今訪森林反底係時候，少讓平/半，上盤。
讓球：伯明翰（上）
心得：伯明翰係時候反底
近5場往績：WWWLL
吾中
買嘢講名牌，但賭波一定唔會做名牌奴隸嘅大聯盟女神。