周二早飛小弟推介嘅熱刺，截稿前未知戰果，不過英超好嘢又點止熱刺呢一隊；周六小弟對侯城W充滿信心，各位不妨早啲出手跟番多少。
侯城休養生息勢復起
「牽牛，有冇搞錯呀？侯城連輸兩仗兼失7球，仲邊捧得過？」相信好多波友都有呢個疑問；不過睇番侯城所輸兩場波，對手分別係車路士同曼聯，輸波只係恰如其份；而且作客奧脫福能夠取得3個入球，真係唔簡單。侯城領隊菲爾布朗帶隊有一個特點，就係甚少變陣，經常維持12至13人陣容；「快車期」當然蝕底，不過經過一星期休息，馬龍京治、祖雲尼、丹尼卡辛呢班攻擊球員充足電，可望回復真身。
博貝廸斯由蟲變龍
保頓上仗主場擊敗曼城，過程都幾夠運，加拿先開紀錄有越位之嫌，最後亦靠對手擺烏龍埋齋；而且保頓今季作客戰績甚差，除咗擊敗冇士氣嘅韋斯咸外，其餘4場都輸波，而且作客入球能力弱，今仗睇嚟都係老虎「晚餐」。
重心放係英超，配腳就搵信心都唔少嘅西甲，以星期日兩場和波做冷腳。首先紐文西亞主場對貝廸斯；紐文西亞自從季初贏過巴塞，之後都無以為繼，事實呢隊波主場容量係西甲最小，坐得9千幾人，平均入座率都係6成多啲；周日主場對貝廸斯，貝廸斯一向搵食味濃，上仗主場大敗予拉科，今次可以由蟲變龍，博和波；而桑坦德主場對希杭，桑坦德分心歐協，有啲兩頭唔到岸，希杭唔再係季初隊魚腩，作客有力取一分，3串4中正都好和味！
牽牛
周末早飛超級重心
星期六22
愛華頓（平）（2.05）
韋斯咸越踢越沉，已五場未贏過，愛華頓作客戰績不俗，除咗輸畀阿仙奴，其餘作客都搶到分，平手盤有贏冇輸。
星期六68
巴塞隆拿勝[-1]（1.5）
巴塞周中歐聯半力出擊，賽和巴素利出線；今次又主場出擊，點都要向球迷交代，不難大炒華拉度列。
星期日34
拿玻里勝（1.8）
拿玻里上仗輸畀AC米蘭十分寃枉，南部主場威力強，以森多對拖連奴都贏得咁辛苦，作客更難看好。
難啃早餐
星期日69
巴黎聖日耳門勝（2）
聖日耳門回復衰波本色，聯賽兩連敗，攻力亦極差；里爾後防穩陣，已10場未輸過，點會怕作客巴黎。
〈早飛倉〉
主菜：星期六20侯城勝（2.05）@1,000
渾水摸魚過關：星期六20侯城勝（2.05）x星期日52紐文西亞和（3.1）x星期日54桑坦德和（3.3）3x4@100
今日早餐價錢：1,400
上日賺蝕：待定
早飛倉結餘：92,569（未計周二戰果）
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。