蔡卓妍（阿Sa）今年特別有異性緣，繼與吳尊合作拍電影後，年底又會與台灣兩大型男偶像賀軍翔及羅志祥（小豬）合作拍偶像劇和電影。歌影視皆忙的她，提到拍檔鍾欣桐（阿嬌）的近況時，只以一句「唔清楚」輕輕帶過。
蔡卓妍近日成為服裝品牌Bossini代言人，並前往丹麥拍攝廣告，昨日她到銅鑼灣出席品牌活動，獲大批fans撐場，席間阿Sa與小朋友即場炮製曲奇餅，只見她下廚手勢相當純熟。
檔期密麻麻
對於有傳其Twins拍檔鍾欣桐收10萬酬勞拍台劇做第二女主角，阿Sa說：「吓？我唔知，反而我年尾會同賀軍翔拍台灣偶像劇，之後再返內地做舞台劇，另外又會同小豬（羅志祥）拍電影，所以唔清楚阿嬌啲嘢。」工作如此忙碌會否無法出席年底的樂壇頒獎禮？阿Sa稱若有時間會趕返支持，但對獎項則沒多想。
提到早前到丹麥拍廣告，阿Sa表示很開心，因有機會到歐洲國家旅遊，當地風景優美，令她大開眼界。談到炮製曲奇手勢純熟，阿Sa說：「我整嘢食都好叻，因為自細父母離咗婚，嗰時成日都要煮飯食。」問到緋聞男友鄭中基（Ronald）有否試過其手勢？她即說：「冇呀！」
在丹麥拍廣告有沒有艷遇？阿Sa表示整個行程都忙於拍攝，只在最後一天才有數個小時逛街，其後載手信的行李篋更一度遺失，幸最終尋回。有否送手信給吳尊和Ronald？阿Sa笑說：「冇呀，我將曲奇食晒同送畀公司同事食。」
腳趾公外翻
容祖兒近日因長期穿高踭鞋而腳傷，阿Sa說：「我都因為着高踭鞋而搞到腳趾公外翻，醫生話要做手術，之後要休息3個月同唔可以着高踭鞋，結果都冇做。」此外，同場的少爺占被問到其拍檔Donald傳與前Krusty成員Jan結婚一事，他說：「我唔知，佢中文名叫唐劍康，你哋去查吓。」
採訪、攝影：李全
