花旗股市前晚高收，港股喺條20日線之前徘徊咗兩日，終於有個大好機會衝破，恒指企過喺15000樓上，收報14840，仍升455點，成交增至633億元，應該未升完。
恒指以陰燭低收，技術上有調整壓力，但係一切都要睇花旗股市點走，話晒奧巴馬以大熱姿態兼高票當選，股市冇理由唔賀一賀佢，話唔定嚟個大幅高收，咁港股起碼會挾一轉淡倉先至調整。港股高開低收，唔少股份都出現短線調整嘅訊號，炒輪要搵啲強勢股。
平保C輪15193：平保（2318）噚日收36元，技術形態向好，大成交升破咗20日線，下個位睇44.60元，可以諗吓隻C輪15193，昨收45仙，有效槓桿3.3倍，正股升至44.60元，15193可見88仙，正股跌穿33.40元，就沽咗隻輪止蝕。
俊樺