創作歌手藍奕邦唔止唱歌好，原來佢對炒股一樣好有心得，佢唔寫歌時，對股票相當有研究，而且眼光幾準，個市咁波動，一樣可以搵到錢。陸菲特噚日同佢傾偈，佢話：「上個禮拜有日大跌市，中國交通建設（1800）跌到$3.4左右，呢隻股最高去到25蚊，嗰日跌到咁殘，我就用三萬幾蚊入咗一萬股，今日去到$6.5我就放咗，賺咗錢真係好開心。」
藍奕邦在跌市時除咗買入中交建外，佢仲用$3.5買咗建設銀行（939），呢隻股今日收$4.2，不過邦仔冇賣到，佢話：「呢隻股仲有好大升值能力，唔需要急住放，中交建賺成倍錢，我諗住放咗去撈一筆，到跌番就再入過。呢排個市其實仲唔係咁穩定，今日升，聽日又可能會跌，所以我會選擇玩即日鮮，唔玩長線，每隻股賺10至15%就走人，咁就可搵番啲外快。」
撰文：陸菲特