樓市唔掂，地產代理行惟有將某啲部門「瘦身」。中原集團旗下嘅中原工商舖，繼早前大刀闊斧裁減前線營業員之後，近排再度進行精簡架構縮皮行動，今次就連後勤都難倖免。集團啱啱喺今個禮拜一開始，正式將成個公關及市場部一刀切解散。據知，呢個部門成立咗4年左右，本身規模唔算大，數埋都唔夠8個人，主要係做市場分析報告同埋發佈新聞稿，辦公室設喺尖沙嘴。
雖然𠵱家成個公關及市場部門冇咗，之但係又冇一次過炒晒所有員工，裁剩一半，嗰幾個人，就調返去中原嘅中環總部，工作範圍同之前差唔多，都係做關於工商舖嘅嘢，不過，就由中原住宅部統一接管。