薛凱琪（Fiona）近日忙於綵排下月公演的舞台劇《LastSmile,FirstTear》，剛巧日前是拍檔梁祖堯的生日，Fiona不忘為他慶祝，秘密送上壽包和蛋糕，她說：「我親身整咗張生日卡畀佢，點知大頭蝦玩到癲晒咁，一直到𠵱家都仲未送畀佢。」
怕難抽離角色
近日Fiona開始和梁祖堯排對手戲，她說：「當中有唔少係我同梁祖堯嘅鬧交戲，大家都好有火，我同佢好有電波同火花，大家真係好match。」Fiona坦言今次演出舞台劇，心情很緊張，因為她記性差，她說：「雖然我記性差，但係我同梁祖堯都係反應快嘅人，好多時會有即興演出，所以會好好玩。」
劇中Fiona的角色帶點神經質，談到電影和舞台劇，她坦言較喜歡演出舞台劇，但她擔心難抽離角色，她說：「因為一做就做兩個鐘，唔同拍電影一part一part咁去演，所以反而抽離唔到。」
撰文：葉雪