曾因吸毒接受勒戒嘅台灣性感女星蕭淑慎，去年又被警方發現再吸毒，單案日前喺台灣開審，喺蕭爸爸監管下，蕭淑慎已經搣甩毒癮。肥咗起碼30幾磅嘅蕭淑慎呢排好大食，日前佢喺台北一間餐廳接受訪問，記者發現佢左手手腕內側有一條𠝹手新傷痕，問佢係咪自殘，佢只係話：「有時候那個任性的蕭淑慎會回來找我。」小瑪歌希望蕭淑慎真係要自愛啲，否則身邊親人幾關心佢都冇用。