鄧麗欣（Stephy）與吳雨霏（Kary）這對餅女老友，在葉念琛執導電影《絕代雙嬌》飾演鬥氣寃家，對Stephy另眼相看的葉念琛安排御用女主角由玉女變巴辣才女，演技大發揮；可憐Kary卻要背着老婆婆喪跑樓梯，還要狂NG，真係同餅唔同命！
好姊妹鄧麗欣和吳雨霏主演的電影《絕代雙嬌》將於本月27日上映，兩女在戲中反目成仇變寃家，嗌交當食飯。一向以玉女形象示人的Stephy更放下純情、改演巴辣專欄作家，經常撰文向明星名人開火。
繼續捧Stephy
Stephy一向喜歡舞文弄墨，去年也曾出書以才女姿態亮相，難怪她演出時也更易上手，她說：「我私底下都成日寫嘢，仲諗住今年出多本書，但真係冇時間。如果我要做一樣嘢，一定要親力親為，就連相都要自己影，但今年到𠵱家啲戲一部接一部，又要客串電影，拍完呢部嚟緊又拍葉念琛嘅新戲，惟有留番出年閉關再寫。」《絕》片還未上映，葉念琛已開定新片繼續搵Stephy做主角，擺明力捧。
至於飾演善心少女的Kary，則慘被葉念琛弄得身水身汗腳仔軟，她說：「有場戲講我孭住個80歲婆婆，由一樓行到上十樓。雖然婆婆唔重，但行咁多層樓，都驚會整親老人家。導演又嫌我姿勢唔正確，搞到成日NG，拍完之後真係腳都軟呀，好彩婆婆冇跌親咋！」
撰文：林妃
