經過全球第二輪聯手減息後，全球股市出現大幅反彈，由市場氣氛來看，最波動嘅時刻應該過去，股市會穩定番啲，不過仍然會喺一個較大嘅區域上落。
呢個禮拜全世界嘅焦點都在花旗總統大選，睇民調嘅數字，民主黨奧巴馬贏面好大，花旗股市好大機會借勢炒上，港股亦伺機上試20日線，滙控（005）同中移動（941）會係好友主力，六行三保向上嘅勢仲keep得住，可以留意，講技術走勢，平安保險（2318）最正。
平保C輪15274：平保上周五收32元，升2.8巴仙，升破條10日線，技術走勢轉強，呢兩日有機試36至40元，可以諗吓隻C輪15274，隻輪現價11.1仙，槓桿2.8倍（有效1.8倍），正股升上40元，15274可見16.4仙，正股跌穿28.80元，就沽咗隻輪止蝕。
俊樺