內地A股跟住大圍跌唔少，網友毒蘑菇喺網易股吧張貼一篇報道，話根據中登公司資料粗略估計，A股市場約有5750萬個戶口，每戶平均蝕38萬人仔（下同）市值，即係A股市場每個投資者平均日蝕1577元（冇講條數點計出嚟）。但據《上海證券報》數據中心統計，內地8間上市股票行共有1.76萬個員工，過去3個月平均每人每月𢭃2.7萬銀！即係散戶蝕埋養股票行經紀？
股票行內部都分唔勻
山東網友回應：「國家郁都唔郁吓啲股票行，錢全部入晒股票行嘅袋，唔分紅，咪全部分做工資，領導分大份，員工分小份囉。」
股票經紀海爾1哥話：「月薪2.7萬講嘅係正職，我們呢啲經紀零頭都冇，底薪得1500蚊，冇生意時，連飯錢都冇，股票行內部都嚴重分配不均！」