杜德偉（Alex）女友王珈晴（Bibe）、李蘢怡（Tiffany）和韓君婷等昨日到apm，出席有關聖誕派對服的活動。Bibe的右背露出與初戀男友愛的紋身，她說：「15歲嗰時唔識嘢，係第一個男友叫我去紋，唔紋代表唔愛佢，之後紋完唔係好耐就分咗手，Alex都唔介意，佢自己都有好多紋身。」
「唔會咁天真」
記者問Bibe男友的紋身中，是否有關舊愛周汶錡，她說：「冇問，自己𠵱家都想褪番個紋身，不過驚會有印。」問會否為Alex再紋身，她說：「應該唔會咁天真、咁儍，會影響工作。」
此外，韓君婷透露近來受病困擾，她說：「上個禮拜氣管收縮，食咗藥又好散。」近日忙為亞視拍攝關於亞姐的節目，問她有否留意應屆亞姐的質素，她說：「都有，好似吳建豪個妹，就算唔係佢個妹都應該入到圍。」
採訪、攝影：JessicaNgan