在無綫《翡翠歌星賀台慶》中，一眾歌手大變身，扮成中外著名藝人，節目中以情變激瘦的鄭裕玲（嘟嘟）跳勁舞，以及譚詠麟（阿倫）李克勤大唱懷舊勁歌，掀起全場高潮。其中一些新人歌手為攝靚位出鏡，不惜將阿倫克勤踢到後排，幸而薑越老越辣，二人拉着嘟嘟及鍾鎮濤超前反攻，幾經辛苦才奪回前排位置。
無綫《翡翠歌星賀台慶》前晚在將軍澳電視城舉行，由於今次是以扮嘢為主題，參與歌手均花盡心思角逐最佳造型獎，王祖藍的佐治童子（BoyGeorge）妖冶造型最神似，王友良的狂野之城熱褲皮草look，卻勁晒肚腩，認真爆笑。結果由陳奕迅扮成牙買加歌手BobMarley，關心妍扮加拿大歌手AvrilLavigne，分別奪得最佳造型男、女歌手獎。
關淑怡透視最索
以嘉賓身份演出未有扮嘢的關淑怡同樣搶鏡，她的透視薄紗長裙，設計甚特別，她與李香琴合唱一曲《三千年後》，她表示對琴姐極為佩服，因為琴姐的獨白令她唱得更投入。有記者指她近期很少曝光，工作如停了下來，關淑怡即反駁記者說：「你隻眼就停咗！」她自言年底將出新碟。
此外，情變激瘦的鄭裕玲在節目中與草蜢大跳忘情森巴舞，雖然嘟嘟手腳生硬，但她的演出卻惹來全場起哄，歡呼聲不絕。在尾聲時，李克勤與譚詠麟大唱懷舊勁歌，令現場再度掀起高潮。
克勤搭膊慰嘟嘟
在節目結束前一班青春派歌手趙碩之、戴夢夢及EO2等勁攝位兼爭企前排出鏡位置，連阿倫和克勤也被逼到後排，不過薑是越老越辣，二人迅速拉着嘟嘟、鍾鎮濤及陳百祥等人順利奪回前排位置。其後問到李克勤可有安慰情變的嘟嘟？克勤說：「大家係朋友唔使嘅，我用手搭吓佢膊頭就OK，佢都冇乜反應，佢仲問候我：『你好嗎！』」
採訪：王連連、何慧斯、王崇穎
攝影：仇志德、陳順禎
小八卦：孫耀威慳家魔盜王
孫耀威一身尊尼狄普（JohnnyDepp）《魔盜王》造型亮相，他說：「呢個造型用咗300蚊同兩個鐘嘅化妝時間就搞掂，媽咪喺電視睇到，佢即刻send短訊畀我，話差啲認唔到我，好搞笑喎，我本人都有啲似JohnnyDepp，因為佢做嘢好認真，對演藝事業好有計劃。」
祖兒阿Sa最失色
容祖兒（Joey）與蔡卓妍（阿Sa）在賀台慶中雖然有扮嘢，但Joey扮奧瑪花曼（UmaThurman）在《危險人物》（PulpFiction）的造型，一身白恤衫打扮黑貼身褲及戴齊陰假髮，十分普通。至於以陳慧嫻《儍女》造型上陣的阿Sa卻輸在十分密實，較其他歌手遜色。
