本地時裝設計師何志恩（Johanna）近年在日本大展拳腳，於香港更有不少突破，早前她獲滙豐銀行邀請，為其旺角全新概念旗艦中心員工任形象顧問，度身訂做來年四季的制服。Johanna以意大利矜貴用料、修長剪裁，打造型仔的bankerlook。Johanna笑言返了銀行工8個月，這絕對是她嘔心瀝血之作，猶如生了另一個baby。
何志恩事業全方位發展，在日本大展拳腳、夥拍徐濠縈合作推出新系列，不斷有新的挑戰。早前滙豐銀行找她合作，為旺角概念旗艦中心的200多名員工任形象顧問，設計了來年一系列新制服。
「嘔心瀝血之作」
日前Johanna與身穿全新制服的員工接受本報記者訪問，她笑說：「係我8個月嘅嘔心瀝血之作，HSBC係全球嘅大銀行，所以呢個project好有壓力，同設計自己collection好唔一樣，呢8個月日日都喺呢度返工，自己都好畀心機去做。」
Johanna續說：「今次個concept係全新，係為200幾個員工度身訂做制服，係每個員工都度身訂做，淨係試身都成4、5次，啲料係意大利貴布料，加上個設計好多details，畀啲裁縫師傅鬧死，我仲會幫佢哋做grooming，有esprit嘅髮型、ShuUemura嘅化妝指導。」
兼備時裝功能
對於這個project最大挑戰之處，Johanna說：「因為佢哋套制服之前係英國總行嘅設計，其實亞洲人嘅身形線條係完全唔同，我嘅設計會着重slimcutproportion，用番滙豐嘅元素，logo、紅色元素都會以subtledetails表達，要有時裝元素嘅時代感，亦考慮banker工作服嘅功能性。男仔恤衫啲料唔易皺，好輕同光身，女仔外套會着重腰位線條，要貼身同時要透氣。」
採訪：RitaLeung
攝影：RickyIp
