港股噚日升過900幾點，收市嘅升幅得番1/3，睇陰陽燭好似麻麻，不過，成交縮減，其他技術指標冇變壞，反彈嘅格局未變。
花旗今日係總統選舉日，市場普遍對呢個禮拜嘅花旗股市睇好（當然背後嘅假設係奧巴馬當選），相信其他股市都會食住個勢炒上，港股仲可以睇好啲，噚日地產股升得唔錯，東亞（023）寶哥哥話年底可能會減息，呢期吼地產股應該唔錯得去邊。
新地C輪14859：新地（016）噚日報收70.50元，升咗7.6巴仙，突破20日線阻力，如果升破埋76元就睇83元，可以諗吓隻C輪14859，昨收11.8仙，槓桿率5.9倍（有效2.8倍），正股升上83元，14859可見18.3仙水平，正股跌穿65.50元，就沽咗隻輪止蝕。
俊樺