近日報章頭版報道富豪家庭，發生疑似兩妾爭寵新聞，可見本港富豪炒股功夫九流外，連搵女伴眼光都麻麻。咁啱日本乒乓女將福原愛上周六啱啱夠20歲，喺日本就正式成年；如果我求大俠係富豪第3代公子，肯定即刻賣咗北京層豪宅，轉飛日本狂追小愛啦！媚日？又如何！鬼叫小愛出身釀酒世家，都滴酒不沾，煙仔掟一邊咩！小愛遲啲會去歐洲參加乒乓球聯賽，為夢想勇往直前；邊似得我哋國寶跳水女王，淨係諗入豪門、揸靚車、落吧猜枚，咁實際咩！