第三屆羅馬影展噚日閉幕，兩套講述戰爭嘅意大利電影《Resolution819》及阿富汗電影《OpiumWar》齊奪最高榮譽嘅最佳電影及影評人金球獎。
由意大利導演GiacomoBattiato執導嘅《Resolution819》講述聯合國追查95年巴爾幹半島屠殺事件，奪得影展最佳電影，呢個獎由出席影展嘅觀眾選出，最具民意。意大利女星DonatellaFinocchiaro憑《Galantuomini》奪影后，烏克蘭男星BohdanStupka就以波蘭電影《AWarmHeart》成為影帝。
呢次影展用咗1,550萬歐元（約1.55億港元），主辦單位備受抨擊，新上任嘅羅馬市長批評大會亂花公帑，影展下年可唔可以繼續舉行將會成為疑問。