「天真妹」真係名副其實好天真，年初同「猩猩王」嘅私家相流傳出去，跟住同「豬奴」拍拖時又俾人成日攞佢哋嘅戀情嚟宣傳，搞到好多人都覺得佢俾人利用都唔知。
吸Fans睇Blog
最近天真妹同搞作多多嘅「超女」成為閨中密友，天真妹見超女對自己好似好關心咁，以為真係識到個患難相扶嘅好朋友，超女就成日喺外邊同人講自己同天真妹幾咁老友，又將天真妹嘅說話同相擺上去自己個blog度，引嚟唔少天真妹嘅朋友同fans睇佢個blog，宣傳成效不知幾大，其實唔少天真妹嘅朋友都睇得出超女同天真妹做朋友嘅用意，頻頻勸佢謹慎小心。
Textby關仁
