《蘋果批Online》逢星期一、三、五晚上九時開騷
Click入http://pie.appledaily.com收看
歡迎透過web-cam即時發表意見或致電29908648安排親身上場
電郵：mailto:[email protected]
網誌：http://pieatapple.wordpress.com
立法會選舉中，喺九西選區以二千六百票之差落敗嘅毛孟靜，重臨《蘋果批》論壇，親身講述佢點睇選舉之中嘅恩恩怨怨……
主持：楊卓華 高明輝
競選初期，你喺民調支持度一度超過14%，但之後支持度就拾級而下，好多人都認為係同其他泛民候選人向你搶票、攻擊有關，你點睇？你覺唔覺得一開始民調排得咁高，反而令你變成咗其他候選人圍攻嘅對象？
1
毛孟靜：
我覺得民主派嘅光譜可以更加拉闊，但有少少始料不及，就係民主派當中仍然要分黑與白，光與影，日與夜，咁對立嘅程度，我係相當錯愕……至於你話一開始走勢幾好所以受人攻擊，我諗呢個都幾自然，同埋你唔係現任，係新面孔……我從來話自己係高危一族，最擔心就係高開低收，結果就係！
回顧當日九西選舉論壇，社民連主席黃毓民不斷就湯家驊對功能組別選舉嘅立場追擊你，係咪令你始料不及？
（對有關）功能組別（的攻擊）係覺得費解，（民主派）要廿一票先可以抵抗政府政改方案、鳥籠方案。而事實睇到，（單靠）直選邊有廿一席？（所以要）功能組別搭夠。政治不是道德，亦不是不道德，純粹係為達目的不擇手段，都唔緊要，不過講嚟講去，咁重複，就有少少出奇。
2
作為資深傳媒人，今次參選就完全調轉咗位置，你有乜嘢體會？
毛孟靜：
政治與傳媒有分別，作為記者，站在道德高地，只係負責問問題，為民請命，最憎人答問題顧左右而言；掉番轉頭，如果你係參政，就係負責答問題，答嘅時候，你要有心理準備，（就算）幾有心為人民服務，人哋都係覺得你有所圖……（我嘅選舉）策略比較硬朗，我隸屬公民黨，創黨主席都講過君子也黨，俾人感覺就係唔擅長嗌交，唔擅長大聲講嘢……
除咗傳媒人之外，你又係一位英文老師，咁啱今屆立法會新貴陳克勤議員，就因為講咗一句「tryourbreast」，之後成日被人笑，咁你點睇「陳克勤事件」？
毛孟靜：
都話政治係非道德，（笑陳克勤）純粹係政治舉措，無可無不可……笑呢個人就等於笑民建聯……但我有少少擔心，學語文就係學聽、講、讀、寫……講係最難嘅，因為係即時，我好擔心（陳克勤事件令）年輕人以為發錯一個音，係好鬼瘀嘅事，俾人笑到面黃。
