小弟除咗係標準足球迷，籃球都唔放過，今季NBA開鑼就睇到幾感人場面；上季總冠軍塞爾特人主場頒獎，皮雅斯攞冠軍指環時開心到喊，一個大男子對住全世界咁做，佢對籃球熱情真係唔嘢少；據報皮雅斯暑假狂操，減咗10磅迎戰新球季；以呢啲球星已經有錢有地位，但仍然有鬥心，小弟雖然唔係好鍾意綠軍，都要向佢致敬。
講番足球，利物浦隊長謝拉特又係鬥志王；佢試過球隊大幅領先之下，下半場被調離場，事後因為唔想休息向領隊發老脾，呢啲精神又值得讚；呢排貼大細手順風，就博熱刺對利物浦開大，謝生記住幫我入3粒！
大細：熱刺大
心得：利物浦冇歐聯包袱
近5場往績：WWLLL
牽牛
列貝利、拿斯尼、哥古夫……個個都叫「新施丹」，不過施丹喺我心目中只得一個！