無懼憤青喊打、堅持展示雪山獅子旗嘅港大女生陳巧文，激情過後生活歸於平淡，現於港大讀哲學碩士。有網民報料，指日前喺街上見到陳巧文，佢幾乎全天候着件橙色衫，好易認，加上右腳受傷，要揸住兩支枴杖行路，行動不便甚為矚目。
八方致電慰問陳巧文，佢大嘆自己黑仔，三星期前發生家居意外，打爛咗隻玻璃杯，唔小心踩正玻璃碎，血流如注，要急call白車去急症室，搶救後原來玻璃碎𠝹斷腳板底條筋，好嚴重。佢話醫生評估最少兩個月不能正常行路，𠵱家要做物理治療，不幸中之大幸係冇乜後遺症，康復後應可行動自如。雖然受傷，佢話課外活動如常，稍後會出席獨立電影活動，講吓奧運後中國情況。