日本球壇今周末上演聯賽盃決賽，以及日皇盃賽事，其中日皇盃賽事更加有日聯球隊出場，但個人心水屬意乙組聯賽盟主廣島三箭。
其實，日皇盃就好似英格蘭嘅足總盃咁，只要係聯賽屬會，就有得參加，所以不論係地方球隊，抑或大學球隊都有份參與，更曾爆冷淘汰過甲組球隊，好似上屆FC本田就先後淘汰兩支甲組球隊柏雷素爾同埋名古屋鯨魚，都咪話唔勁。其實，香港都可以試吓將足總盃搞大，畀低組別球隊參與，但水準質素又係值得商榷，好似屯門普高咁，場場食蛋又真係搵人睇都難。
今周一於捧平手盤嘅廣島三箭，作客可贏東京綠茵。
讓球：廣島三箭（平）
心得：奪乙組冠軍氣勢盛
近5場往績：WLWL/
戰鬥員A
同足球有關嘅周邊物品都鍾愛，賭波就專攻日職聯。